Tirumala Pavitrotsavam Tickets: తిరుమల పవిత్రోత్సవాల టికెట్లు విడుదల

Tirumala Pavitrotsavam Tickets: తిరుమల పవిత్రోత్సవాల టికెట్లు విడుదల.. బుకింగ్ తేదీ, ధర పూర్తి వివరాలు!

కలియుగ వైకుంఠం తిరుమల శ్రీవారి భక్తులకు టీటీడీ (TTD) కీలక ప్రకటన చేసింది. తిరుమల కొండపై అత్యంత వైభవంగా జరిగే వార్షిక పవిత్రోత్సవాల (Annual Pavitrotsavams) టికెట్ల విడుదలకు ముహూర్తం ఖరారు చేసింది. ఈ పవిత్రోత్సవాల్లో పాల్గొనాలనుకునే భక్తులు ఆన్‌లైన్ ద్వారా టికెట్లను బుక్ చేసుకోవాల్సి ఉంటుంది.

ఈ ఏడాది ఆగస్టు నెలలో జరగనున్న ఈ ఉత్సవాలకు సంబంధించి tirumala pavitrotsavam tickets బుకింగ్ వివరాలు, ధర మరియు దర్శన సమయాల గురించి పూర్తి సమాచారం ఈ ఆర్టికల్‌లో తెలుసుకుందాం.

పవిత్రోత్సవాల తేదీలు (Important Dates)

తిరుమల శ్రీవారి ఆలయంలో పవిత్రోత్సవాలు మూడు రోజుల పాటు అత్యంత శాస్త్రోక్తంగా జరుగుతాయి. ఈ ఏడాది ఈ ఉత్సవాలు ఈ క్రింది తేదీల్లో నిర్వహించనున్నారు:

ఉత్సవాల ప్రారంభం: 23-08-2026
ఉత్సవాల ముగింపు: 25-08-2026

టికెట్ల విడుదల ఎప్పుడు? (Ticket Release Date & Time)

శ్రీవారి పవిత్రోత్సవాలకు సంబంధించిన సేవ టికెట్లను టీటీడీ ఆన్‌లైన్ కోటాలో విడుదల చేయనుంది.

రిలీజ్ డేట్: మే 21 (21-05-2026)
సమయం: ఉదయం 10 గంటలకు (10 AM)
ఎక్కడ బుక్ చేయాలి: టీటీడీ అధికారిక వెబ్‌సైట్ లేదా మొబైల్ యాప్‌లో మాత్రమే టికెట్లు బుక్ చేసుకోవాలి.

tirumala pavitrotsavam tickets release date 2026

టికెట్ ధర మరియు ప్రయోజనాలు (Ticket Cost & Benefits)

ఈ సేవలో పాల్గొనే భక్తులకు టీటీడీ ప్రత్యేక సౌకర్యాలను కల్పిస్తోంది.

టికెట్ ధర: ఒక్కొక్కరికి రూ. 2500/- (Per Person).
శ్రీవారి దర్శనం: ఈ పవిత్రోత్సవ టికెట్ పొందిన భక్తులు మూడు రోజుల వ్యవధిలో మొత్తం 4 సార్లు శ్రీవారిని దర్శించుకునే సువర్ణావకాశం కల్పిస్తారు.

పవిత్రోత్సవాల విశిష్టత ఏంటి?

ఏడాది పొడవునా శ్రీవారి ఆలయంలో జరిగే పూజలు, ఉత్సవాల్లో అర్చకులు గానీ, భక్తులు గానీ తెలియక చేసే పొరపాట్ల వల్ల కలిగే దోష నివారణ కోసం ఈ ‘పవిత్రోత్సవాలు’ నిర్వహిస్తారు. అందుకే దీనిని ‘దోష నివారణ ఉత్సవం’ అని కూడా అంటారు. ఈ ఉత్సవాల్లో పాల్గొనడం వల్ల కోరిన కోరికలు నెరవేరుతాయని, దోషాలు తొలగిపోతాయని భక్తుల నమ్మకం.