“ఓం ఐం హ్రీం శ్రీం వారాహి దేవ్యై నమః..
సప్తమాతృకలలో అత్యంత శక్తివంతమైన దేవత వారాహి Varahi Devi అమ్మవారు. లలితా పరాభట్టారికా దేవి సైన్యాధిపతిగా, అశ్వరూఢా దేవికి మార్గదర్శిగా అమ్మవారు నిలుస్తారు. వరాహ ముఖంతో, ఎనిమిది చేతులతో దర్శనమిచ్చే వారాహి దేవి భక్తుల పాలిట కల్పవల్లి.
వారాహి అమ్మవారిని ముఖ్యంగా రాత్రి వేళల్లో పూజించడం వల్ల విశేష ఫలితాలు ఉంటాయని శాస్త్రాలు చెబుతున్నాయి. పంచమి తిథి నాడు అమ్మవారికి ఇష్టమైన దానిమ్మ పండ్లు లేదా ఉల్లిపాయ లేని పదార్థాలను నైవేద్యంగా పెట్టి పూజిస్తే మనోధైర్యం పెరుగుతుంది. శత్రువులపై విజయం సాధించాలన్నా, కోర్టు సమస్యల నుండి బయటపడాలన్నా వారాహి అమ్మవారి అనుగ్రహం తప్పనిసరి.
